सामाजिक कथा बोकेको फिल्म 'भाले फाइट' असोजमा प्रदर्शनमा आउने भएको छ। आइतबार मण्डना थिएटरमा पत्रकार सम्मेलन गर्दै फिल्मले असोज ८मा फिल्म प्रदर्शन गर्न लागिएको जानकारी गराएको हो। सोही अवसरमा तीन गीत संग्रहित एल्बमको बिमोचन पनि गरिएको थियो। फिल्ममा गीतमा अशोक राई च्यापको संगीत रहेको छ।
'हरेक सफल पुरुषको पछाडि महिलाको हात हुन्छ' भन्ने मान्यतामा आधारित फिल्ममा बाबु बोगटी, सन्दीप क्षेत्री, रीमा बिश्वकर्माले मुख्य भूमिका निर्वाह गरेका छन्। कार्यक्रममा बोल्दै बोगटीले फिल्मले महिलाको सशक्त पाटोलाई पर्दामा उतार्ने प्रयास गरेको बताए।
'फिल्मको पटकथा एकदमै राम्रो छ। अझ पटकथालाई प्रस्तुति गर्ने शैली झनै रोचक छ फिल्ममा। यसको हिस्सा बन्न पाउँदा एकदमै खुशी लागेको छ,' बोगटीले भने।
सन्दिपले पनि फिल्म भित्र आफूले सफ्टवेयर इन्जिनियरको भूमिका निर्वाह गरेको बताउँदै फिल्मको प्रस्तुतिकै प्रशंसा गरे।
'भाले फाइट भनेपनि फिल्म भित्र फाइट छैन। फिल्म रीमाको वरिपरि घुमेको छ र उसले काम पनि राम्रो गरेको छ। सबैभन्दा राम्रो चैं यसको प्रस्तुति नै छ,'सन्दिपले भने।
सहकर्मी कलाकारबाट कामका लागि प्रशंसा पाएकी रीमाले पनि 'भाले फाइट'मा आफूले खुलेर काम गर्न पाएको बताइन्। 'फिल्मको कथा मौलिक छ र चरित्र पनि। २१ औं शताब्दीकी सक्षम युवतीको भूमिकामा छु,' रीमाले थपिन्, 'आजभोलि सासुलाई बुहारी त पढेलेखेकी चाहिन्छ तर त्यही बुहारी काम गर्न जान्छु भन्दा सासुबाट अनुमति पाईन्न। फिल्मले यस्तै बिरोधाभाष प्रस्तुत गरेको छ।'
त्यस्तै कार्यकारी निर्माता भोज बहादुर गुरुङले सामाजिक फिल्म कम बनिरहेको सन्दर्भमा 'भाले फाइट'ले त्यो कमी पुरा गर्ने दाबी गरे। निर्माता मान बहादुर राईले पनि अष्ट्रेलियामा फिल्म प्रदर्शन भइसकेको र त्यहाँबाट राम्रो प्रतिक्रिया आएकाले नेपालमा पनि चल्ने विश्वास व्यक्त गरे।
अशोक राईकै पटकथा तथा निर्देशन रहेको फिल्मलाई गणेश श्रेष्ठले खिचेका हुन् भने फिल्म भित्र अजय श्रेष्ठ, गीता अधिकारी, बसन्त भट्ट आदिलाई पनि देख्न सकिन्छ। फिल्मका गीतमा बाबु बोगटी, रजिना रिमाल र सुबु थापाको स्वर रहेको छ।
'फिल्मको पटकथा एकदमै राम्रो छ। अझ पटकथालाई प्रस्तुति गर्ने शैली झनै रोचक छ फिल्ममा। यसको हिस्सा बन्न पाउँदा एकदमै खुशी लागेको छ,' बोगटीले भने।
सन्दिपले पनि फिल्म भित्र आफूले सफ्टवेयर इन्जिनियरको भूमिका निर्वाह गरेको बताउँदै फिल्मको प्रस्तुतिकै प्रशंसा गरे।
'भाले फाइट भनेपनि फिल्म भित्र फाइट छैन। फिल्म रीमाको वरिपरि घुमेको छ र उसले काम पनि राम्रो गरेको छ। सबैभन्दा राम्रो चैं यसको प्रस्तुति नै छ,'सन्दिपले भने।
सहकर्मी कलाकारबाट कामका लागि प्रशंसा पाएकी रीमाले पनि 'भाले फाइट'मा आफूले खुलेर काम गर्न पाएको बताइन्। 'फिल्मको कथा मौलिक छ र चरित्र पनि। २१ औं शताब्दीकी सक्षम युवतीको भूमिकामा छु,' रीमाले थपिन्, 'आजभोलि सासुलाई बुहारी त पढेलेखेकी चाहिन्छ तर त्यही बुहारी काम गर्न जान्छु भन्दा सासुबाट अनुमति पाईन्न। फिल्मले यस्तै बिरोधाभाष प्रस्तुत गरेको छ।'
त्यस्तै कार्यकारी निर्माता भोज बहादुर गुरुङले सामाजिक फिल्म कम बनिरहेको सन्दर्भमा 'भाले फाइट'ले त्यो कमी पुरा गर्ने दाबी गरे। निर्माता मान बहादुर राईले पनि अष्ट्रेलियामा फिल्म प्रदर्शन भइसकेको र त्यहाँबाट राम्रो प्रतिक्रिया आएकाले नेपालमा पनि चल्ने विश्वास व्यक्त गरे।
अशोक राईकै पटकथा तथा निर्देशन रहेको फिल्मलाई गणेश श्रेष्ठले खिचेका हुन् भने फिल्म भित्र अजय श्रेष्ठ, गीता अधिकारी, बसन्त भट्ट आदिलाई पनि देख्न सकिन्छ। फिल्मका गीतमा बाबु बोगटी, रजिना रिमाल र सुबु थापाको स्वर रहेको छ।