काठमाडौं । फ्लाई दुबई एयरलाइन्सले आफ्ना यात्रुहरुलाई ३० प्रतिशत छुट उपलब्ध गराउने घोषणा गरेको छ । एयरलाइन्सले आफ्नो उडान सञ्जालभित्रका दुबई र अन्य केही गन्तव्यमा बिजनेश र इकोनोमी क्लासमा यस्तो छुट उपलब्ध गराउने भएको हो ।
यस्तो छुट यही अक्टोबर १ तारिखदेखि सन् २०१६ जुन ३० सम्म उडान गर्ने यात्रुहरुले पाउनेछन् । यसका लागि यात्रुहरुले सेप्टेम्बर २० अगाडि नै उडान टिकट बुकिङ गर्नुपर्ने हुन्छ ।
फ्लाई दुबईले सातामा ४५ राष्ट्रका ९० भन्दा बढी शहरमा उडान भर्दै आएको छ । सातामा ४९ वटा विमानमार्फत १ हजार ६ उडान भरिरहेको कम्पनीले जनाएको छ । कम्पनीले नेपालमा पनि नियमित उडान भर्दै आएको छ ।
कम्पनीले गल्फ कोअपरेशन काउन्सिलका ६ राष्ट्र, मध्यपूर्व, अफ्रिका, आर्मेनिया, अजरबैजान, जर्जिया, इरान, टर्की, रशिया, मध्य एशिया र युरोप लगायतका देशहरुमा उडान भर्दै आएको छ ।